.....ريفيو عن ارواج ماك .....

.....ريفيو عن ارواج ماك .....

السلام عليكم ورحمة الله وبركاته.....

اهلا وسهلا بكم في مدونتي وهذي واول تدوينه لي ان شاءالله اكون عند حسن ظنكم .....

اليوم ابي اتكلم عن ارواج ماك الموجودة عندي وهي تشكيلة بسيطة <<< اتمنى ان الموضوع ينال على اعجابكم ،،

تقريبا عندي ١٣ روج متنوعه،،،،

راح ابدأ بالارواج الفاتحه بعدين الغامقة .....

# اول رواج لوني المفضل والي احبه ومن مفضلاتي الدائمة  اسمه whirl ( ويرل) نوعه مات

وهذا سواتش له 

# اللون الثاني اسمه cosmo ( كوزمو ) نوعه امبليفايد ...

                                                         سواتش لون كوزمو   ....

# روج لون بيج يناسب الكل انا استخدم مه محدد يطلع احلى اسمه velvet teddy ( فلفت تيدي ) نوعه مات <<

                                                 سواتش فلفت تيدي .....

# الروج هذا الحب لونه بني بحت يهبل  اسمه ( persis tence ) نوعه مات

# روج المفضل عندي بالفترة الاخيرة الدرجة جدا جميلة اسمه (verve) فيرف  نوعه ساتن ....

ملاحظة : االروج افتح من الصورة >>> السواتش نفس اللون 

# روج لونه موف على نود على عنابي ( مااعرف اوصفه بس لون جميل جدا  اسمه ( captive) كابتف نوعه ساتن ...

# روج لونه لحمي على وردي اسمه ( twig ) تويق نوعه ساتن ....

 #  هذا الروج مدري اذا هو موجود بالكولكشن الدائم ،،، هذا نزل السنة الي طافت لونه عكس الاسم لونه بني مايل حيل على بنفسجي عكس السواتش اليد بالشفايف غير انا انخدعت فيه << اسمه (hot chocolate ) هوت شوكلت نوعه ساتن ..

# نبدأ بالارواج الغامقة ،،، اول روج حبيب الشعب لونه عنابي مررا حلو اسمه (diva) ديفا نوعه مات ...

# روج لونه عنابي على موف الدرجة جدا رائعة اسمه (dark side ) دارك سايد نوعه امبلفايد ...

# روج لونه عنابي على بني هذا الروج بذات يذكرني بلون الحريم الكبار اكثر ثباته جدا علي وهو اكثر لون مات يجفف الشفايف عكس باقي الارواج المات اسمه ( sin ) سين نوعه مات ....

# الروج  الاصعب >> انا اسميه كذا >> هذا اتوقع البنات يتعبون يلا يلقون درجة احمر حلوه ماتبين اصفرار الاسنان انا انسانه اتعب يلا القى لون احمر حلو ويناسبني مااني مااحب الاحمر ابداا بس ليش ماجرب التجربة افضل شي ،،، اللون الاحمر من ماك الدرجة جدا جميلة ولونه احمر ناقع يناسب الكل اسمه ( russian red ) روشن ريد نوعه مات ....

  

# اخر روج هذا الروج صدم كل توقعاتي شفت عليه مدح كثيير سواء كانوا اجانب او عرب،، يمكن اانا هذا اللون مو من محبيه او ماعندي الجراءة اني احطه استخدمته يمكن مره وحده بس من شريته طبعا كان مخلص فتره طويله يوم لقيته على طول اخذته بدون تجربه بالمحل وكان اكبر خطأ لازم تجربينه الروج يمكن مايناسبك مو تأخذينه على مدح احد انتي شوفيه هل يعجبك، يناسبك، جربيه وهذا من حققك ....

- الروج لونه بنفسجي صريح اسمه ( heroine ) هيروين نوعه  مات ...

اخر شي هاحبه اقول نصيحه لا تأخذيني شي لا وانتي مجربته خاصة ارواج ماك لانها غاليه ومل فترة يرفعون السعر كانت قبل سنتين ١٠٣ ريال والحين ١٠٨ ريال ،، استغلي التخفيضات لان ماك الحين قاموا يسون تخفيضات بالفتره الاخيرة والاسعار مررا مغريه ،،،،،

وبس اكون كذا خاصت التدوينه ان شاء الله الموضوع ينال على اعجابكم وتكون تدوينه ممتعه ومفيدة .....