مشتريات العيد .....

السلام عليكم ورحمة الله وبركاته....


مرحبا بنات كيف حالكم ادري طولت  وكنت مقصره مانزلت تدوينه  بس تعرفون الوقت برمضان ممررا قصير،،،


المهم اليوم راح اوريكم مشتريات العيد انا نزلتها وتكلمت عنها بسناب شات بس قلت لازم ادونها هنا عشان تكون مرجع لكم .....

نبدا اول شي بالعطور لاني احبها اكثر شي المره هذي بس شريت عطرين فقط

اول واح من فالنتينو اسمه ( فالنتينو دونا ) سعره ٤٠٠ ريال اخذته من فافافووم وتلقونه عند كل المحلات الي تبييع عطور

ثاني عطر صدفه عرفته شميته بالمحل وعجبني حيل  اسمه ( مضاوي ) من مكوناته الباتشولي والمسك وفواكه ريحته تهبل اخذته من العربيه للعود ومسوين تخفيضات سعره بعد التخفيض ٢٥٠ ريال تلقونه بكل فروع العربيه للعود ،،

نجي للمكياج اكثر شي استمتع فيه وانا اشتريه >>>

اول شي اخذت فاونديشين من بنيفت الدرجة هوني ( honey) نفس درجتي بالضبط سعره ١٩٠ ريال تلقونه في براند بنيفت في وجوه وسيفورا....

                       
اخذت من بنيفت مجموعة هولا فيها خمس منتجات بحجم صغير اذا تبين تجربين منتجات بس خايفه انصك بهذي سعره ١٢٥ ريال بس حصريه عند وجوه فقط ..

المنتج هذا سمعت مدح عليه وكنت متردده اجربه بعد مدة طويلة قررت اشتريه لوس باودر من قيرلان اسمه ( les voilettes)
الدرجة ميديم رقم ٣ سعرها ٢٥٩ تلقونه عند باريس قاليري ...

طبعا لازم من المشتريات عندي تتضممن روج هذي قاعده اساسيه عندي >>هههههههه
اخذت روج من نوبا عندهم عرض تأخذين ٢ والثاث مجانا الروج لونه بيج على وردي  رقمها ١٧ سعره ١٠٩ ريال من فافافووم

الشي الثاني اخذت مناكير لونها احمر كرزي من فلورمار رقمها ٤٢٦ سعره ١٢ ريال تلقونها محلات فلورمار ...

  

اخذت من ماركة ان واي اكس باليت كونسيلر يشبه حق ماك بسعر ارخص الدرجة ميديم سعره ٨٦ ريال  واخذت كحل سائل شكل المنتج ساعد في سهولة الرسم وهذا الكحل استخدمه من ايام الجامعه سواده فاحم سعره ٧٦ ريال  واخر شي بخاخ مثبت للمكياج مااعرف سعره لان مسوين عرض ٢ والثالث مجانا تلقونه في سنتر بوينت ...

اخر شي في بمشتريات المكياج اخذت فرشه من ماك سعر جدا مرتفع بس اخذتها لاني ابغاها ومالي خلق اطلب اولاين 

واخذت صمغ دو  الحلو فيه انو فرشه فسهله احطه على الرمش سعره ٧٩ من اجلوت ،،،

نجي للعناية بالبشره اخذت من ذا فيس شوب شيت ماسك كان عندهم عرض تشترين ٧ و٧ مجانا اخذت انوع مختلفة فايدته تعطي ترطيب  للبشره  وتخلي المكياج حلو ،،، اخذت مناديل مزيل للمكياج احسن مناديل جربته ناعمه ماتجرح الوجه والمزيل معبأ المنديل متشبع فيه اقصد وسعرها ١٠ ريال بس ..

ممن بودي شوب اخذت ماسك طيني فيه حبيبات اسمه ( blue corn) سعره ٥٩ ريال ،،، واخذت مزيل للمكياج سعره ٤٥ ريال 

اخر شي  الاكسسوارات الموضة السنه هذا اكسسوار الشعر وخاصة البنس الملونه اخذته من اتش اند ام  وعندهم عرض ٢ و٣ مجانا  واخذت اساور من سنتر بوينت  سعره ٣٥ ريال ....

وهذي كل مشتريات العيد ان شاء الله تستفيدون منها وبس والى اللقاد في تدوينه جديدة <<<.....